Kreu i Vetëvendosjes, Visar Ymeri dhe deputeti Albin Kurti janë larguar të parët nga selia e AAK-së, ku janë takuar me liderin e AAK-së, Ramush Haradinaj dhe kreun e Nismës, Fatmir Limaj.
Takimi i liderëve dhe zyrtarëve tjerë të tri partive opozitare, në AAK, ka përfunduar.
Asnjeri nga ta nuk ka pranuar të prononcohet për media. Përjashtuar, liderin e AAK-së, Ramush Haradinaj, i cili i tha shkurt Gazetës Express: “Ishte takim pune, konsultë për temat që vijnë”.
Mësohet se në këtë takim është diskutuar edhe për organizimin e protestave që duhet të organizohen.
Zëdhënësi i AAK-së Muharrem Nitaj tha për Kosovapress tha se diskutimi ka qenë edhe për listën e përbashkët në rast se shkohet në zgjedhjet e jashtëzakonshme si dhe çështje tjera që kanë të bëjnë me opozitëbërjen.
Nitaj tha se në këtë takim nuk është arritur ndonjë marrëveshje dhe se e vetmja marrëveshje është që të vazhdohet me takime tjera që të diskutohet për çështjet që janë hapur sot.
Sipas zëdhënësit të AAK-së takimi në mes liderëve opozitarë ka qenë miqësor.
Haradinaj doli nga selia e tij bashkë me kreun e NISMA-s, Fatmir Limaj dhe zyrtarët tjerë të kësaj partie Jakup Krasniqi e Endrit Shala.
Para tyre nga takimi dolën Visar Ymeri e Albin Kurit të VV-së.
Këta të dy se thanë asnjë fjalë se për çka diskutuan në takim.
Ndërkaq, të premten pas një takimi mes liderëve opozitar në njërën nga kafiteritë e Prishtinës, Haradinaj kishte thënë është shtyer për një datë të pacaktuar.