Aktorja dhe deputetja e Kuvendit të Kosovës, Adriana Matoshi, i është nënshtruar sot një operacioni.
Ajo njoftoi ditë më parë se i ishte rikthyer tumori në tru pas nëntë vitesh, me çka u detyrua që t’i nënshtrohet ndërhyrjes së radhës për shmangien e tij.
Operacioni i kryer në Prishtinë ka kaluar me sukses dhe lajmi është konfirmuar nga miqtë e afërt të aktores.
Ka qenë fillimisht shoku i saj i fëmijërisë, Petrit Reçica, ai i cili përmes një statusi në Facebook përdori ironinë satirikë për të treguar se Adriana ia doli.
“Zemra jonë Adriana, domethënë edhe kësaj here jua lujti lojën e kaloi me sukses”, shkroi ai në Facebook.
Edhe kolegia e saj, aktorja Shëngyl Ismaili, dha lajmin e gëzueshëm përmes një postimi në llogarinë e saj zyrtaret ë Facebook-ut.
“Sot ma e fortë se kurrë, eh kjo është Adriana, sa herë jeta e sfidon ajo ngritet në këmbë më e forte se që ka qenë. E kalove edhe këtë sfidë e bukura jem…tregove edhe një herë se s’ka asgjë mbi këtë tokë që të rrezon…Të pres me u forcu, me marr hartën, me ja qit gishtin e me vendos në cilin vend të botës po shkojmë me shëtit…qashtu qysh e kemi pas në plan, unë e ti. Të dua e bukura e shoqes”, ka shkruar Ismaili.
Kujtojmë se për t’i dalë në ndihmë aktores dhe deputetes së Vetëvendosjes, në Prishtinë u organizua një marsh të hënën në mbështetje të saj, ku të pranishëm ishin plot qytetarë. /Telegrafi/
