Sacramento Kings dhe lufta e klubit kalifornian për një vend në playoff ka marrë një goditje të rëndë.
Veterani Rudy Gay i cili është një prej lojtarëve kryesorë të skuadrës, është larguar me 13 sekonda të mbetur në qerekun e tretë në duelin e zhvilluar mbrëmë ndaj Indiana Pacers.
Përpos humbjes nga Indiana në shtëpi, humbja më e madhe ishte pikërisht largimi nga parketi i Rudy Gay.
Gay pas testeve u diagnostifikua me ndrydhje në tendinën e akilit në këmbën e tij të majtë.
Sipas mjekëve të klubit të Sacramento Kings, për lojtarin sezoni tashmë ka përfunduar.
Mbetet të shihet si do t’ia dalë superylli DeMarcus Cousins në përpjekjen e tij për të siguruar një vend në playoff për skuadrën e tij. /Telegrafi/