Seanca dëgjimore e gjatë për shkeljet e pretenduara të rregullave financiare të Ligës Premier nga Manchester City ka përfunduar zyrtarisht, me kampionët e ligës tani në pritje të një verdikti që mund të ketë implikime masive për futbollin anglez.
Seanca dëgjimore, e cila trajtoi 115 akuza – më vonë u zgjat në 130 – përfundoi në Qendrën Ndërkombëtare të Zgjidhjes së Mosmarrëveshjeve në Londër.
Pas muajsh procedimesh, trupi gjykues prej tre anëtarësh tani do të shqyrtojë provat përpara se të marrë një vendim në muajt e ardhshëm, raporton Daily Mail.
Liga Premier e ka akuzuar Man Cityn për dështimin e raportimit të informacionit të saktë financiar gjatë nëntë sezoneve, duke përfshirë zbulimet jo të plota mbi pagesat e lojtarëve dhe pagën e ish-menaxherit Roberto Mancini.
Nëse shpallet fajtor për shkelje të rënda, klubi mund të përballet me dënime që variojnë nga gjoba të konsiderueshme dhe zbritje pikësh deri në rënie nga elita.
Një vendim përfundimtar mund të jetë ende larg, pasi të dyja palët pritet të apelojnë nëse nuk arrihet një marrëveshje, duke e shtyrë rastin në sezonin e ardhshëm dhe duke zgjatur pasigurinë rreth kësaj teme. /Telegrafi/