Ka përfunduar numërimi i votave në komunën e Kaçanikut.
Sipas rezultateve preliminare të Komisionit Qendor të Zgjedhjeve, Lëvizja Vetëvendosje është partia fituese me 34.26 për qind të votave, e pasuar nga Partia Demokratike e Kosovës me 32.31 për qind të votave, transmeton Telegrafi.
Lidhja Demokratike e Kosovës zë vendin e tretë me 16.52 për qind të votave.
Koalicioni NISMA-AKR-PD në zgjedhjet e djeshme ka marrë 5.71 për qind të votave, kurse koalicioni tjetër AAK-PSD ka 5.62 për qind.
Numri i përgjithshëm i vendvotimeve në Kaçanik ishte 47. /Telegrafi/
