Komisioni Qendror i Zgjedhjeve ka numëruar të gjitha votat për komunën e Shtimes.
Sipas rezultateve preliminare të KQZ-së, Partia Demokratike e Kosovës është e para në Shtime me 33.31 për qind të votave, e pasuar nga Lëvizja Vetëvendosje me 27.44 për qind, transmeton Telegrafi.
Vendin e tretë e zë Lidhja Demokratike e Kosovës me 22.90 për qind të votave.
Koalicioni NISMA-AKR-PD në komunën e Shtimes ka marrë 7.99 për qind, kurse koalicioni tjetër AAK-PSD ka 3.96 për qind.
Subjektet tjera politike kanë 4.25 për qind.
Numri i përgjithshëm i vendvotimeve në Shtime ishte 35.
Në zgjedhjet e djeshme parlamentare, kanë votuar 812 mijë e 49 votues apo 44.18 për qind. /Telegrafi/
