Ka përfunduar numërimi i të gjitha votave në komunën e Prishtinës.
Sipas rezultateve preliminare të publikuar nga Komisioni Qendror i Zgjedhjeve, partia fituese në Prishtinë është Lëvizja Vetëvendosje me 37 mijë e 387 vota ose me 37.14 për qind. pas saj radhitet Lidhja Demokratike e Kosovës me 32 mijë e 636 vota ose 32.42 për qind, transmeton Telegrafi.
Partia Demokratike e Kosovës zë vendin e tretë me 15 mijë e 511 vota, ose 15.41 për qind.
Koalicioni AAK-PSD në zgjedhjet e së dielës (6 tetor) në Prishtinë ka marrë 7 mijë e 633 vota ose 7.58 për qind, kurse koalicioni tjetër NISMA-AKR-PD ka marrë 4 mijë e 780 vota ose 4.75 për qind.
Numri i përgjithshëm i vendvotimeve në Prishtinë ishte 247.
KQZ ka bërë të ditur se numri i fletëvotimeve të pavlefshme dhe të zbrazëta në Prishtinë ishte 3.32 për qind./Telegrafi/
