Ka përfunduar edhe nata e dytë gjysmëfinale e Eurovision 2022.
Në gjysmëfinalen e dytë morën pjesë dhe konkurruan 18 shtete të tjera për të kaluar në finalen e së shtunës.
Pas përfundimit të performancave është hapur televotimi duke përzgjedhur edhe 10-të shtete të tjera që shkuan në finale e madhe.
Shtete e radhës që iu bashkuan finalistëve të natës së parë gjysmëfinale janë: Belgjika, Çekia, Azerbajxhani, Polonia, Finlanda, Estonia, Australia, Suedia, Rumania, Serbia.
E ashtuquajtura ‘Big Five’, Gjermania, Franca, Spanja, Britania e Madhe dhe Italia vendosen automatikisht për në finale. Përveç kësaj, vendi mikpritës gjithmonë merr një vend në finale.
Megjithatë, duke qenë se vendi i ‘Big Five’ të këtij viti është Italia, finalja përbëhet nga 25 vende në vend të 26 vendeve të zakonshme.
Spektakli i mbrëmjes së sotme u transmetua live nga “Pala Olimpico” në Torino të Italisë, me nikoqirë Mika, Laura Pausini dhe Alessandro Cattelan.
10-të vendet që tashmë janë kualifikuar për në finalen janë edhe: Armenia, Greqia, Islanda, Lituania, Moldavia, Holanda, Norvegjia, Portugalia, Zvicra dhe Ukraina.
Ndërkohë, kujtojmë se Shqipëria nuk arriti të kualifikohet në finale duke u eliminuar në natën e parë gjysmëfinale. /Telegrafi/