Avokati Tomë Gashi ka shkruar në llogarinë e tij në Facebook se ka përfunduar prezantimi i fakteve nga ana e avokatëve mbrojtës të Sylejman Selimit. Sipas tij, aktgjykimi nga Gjykata e Apelit do të publikohet në korrik apo gusht të këtij viti.
“PERFUNDON RASTI “DRENICA”
Pas prezentimit të fakteve të pamohueshme nga ana e mbrojtjes së avokatëve të Gjeneral Sylejman Selimit përfundon në tërësi rasti “Drenica”. Duke mos e përsëritur atë që e kemi thënë dhe e kemi shkruar më herët, këtë herë po e citojmë pjesërisht vetëm prezantimin që e bërë në Gjykatën e Apelit në Prishtinë Komandanti i Shtabit të Përgjithshëm të UÇK-së Sylejman Selimi, i cili deklaroj se : ” Është e vërtetë se kam qenë Komandant i Zonës Operative të Drenicës, më pastaj Komandant i Shtabit të Përgjithshëm të UÇK-së, dhe se kam luftuar për mbrojtjen e popullit tim, kam luftuar me bashkëluftetarët e mi për ta mbrojtur popullin tim nga ushtria, policia dhe paramilitarët serbë, të cilët vetëm gjatë viteve të luftës 1998 dhe 1999 vranë mbi një mijë civil shqiptarë, duke përfshirë edhe fëmijë, por duke mos i kursyer as të moshuarit, serbët dhunuan vajza dhe gra shqipëtare, disa prej të cilave më pastaj edhe i vranë, sërbët kryen me dhejtëra masakra vetëm në Drenicë, në Obri,Rezallë, Izbicë,Verbovcë dhe vende tjera në Kosovë. Mbi 500 ushtarë të UÇK-së u vranë gjatë luftimeve me serbët duke i mbrojtur civilët shqiptarë, dhe në fund kërkoj vetëm drejtësi dhe asgjë tejtër”.
Kryetari i Trupit Gjykues ka deklaruar se aktgjykimin nga Gjykata e Apelit mund ta presim jo më herët se në mujin korrik apo gusht të këtij viti, por mbrojtja e z.Sylejman Selimit është pak sa e befasuar se si mund të ndodhë kështu kur Misioni i EULEX-it do të përfundoj më 14 qërshor 2016, por si duket Gjyqtarët e Eulex-it e dinë se mandati i tyre do të ju vazhdohet” (sic.), ka shkruar ai në Facebook.
