Në kuadër të projektit asfaltimi i rrugëve në Komunën e Rahovecit, ka përfunduar asfaltimi i tri rrugëve në fshatrat Senoc, Pataqan i Poshtëm dhe në Ratkoc.
Kryetari i Komunës së Rahovecit, Idriz Vehapi në lidhje me realizimin e këtyre tri projekteve me rendësi për banorët e këtyre fshatrave thotë se rrugët të cilët janë asfaltuar nuk janë sa për të thënë se po e realizojmë projektet por qëllimi i investimeve është që të krijohen kushte për jetë më të mirë dhe lëvizje me të lehtë për banorët.
Gjatësi e rrugës e cila është asfaltuar në fshatin Senoc, është 854 metra dhe me gjerësi 5 metra. Vlera e këtij projekti sipas kontratës është 68.776,24 euro.
Kurse rruga e cila është asfaltuar në fshatin Pataqan i Poshtëm, ka gjatësi prej 744.47 metra dhe gjerësi 5 metra. Vlera e këtij projekti është 60,280.22 euro.
Rruga e cila është asfaltuar në fshatin Ratkoc është e gjatë 269.32 metra e gjerë 5.5 metra vlera 23 282.49 euro
Vlera e përgjithshme e asfaltimit të tri rrugëve, buxhetit të Komunës së Rahovecit i ka kushtuar 152.336,95 euro. /Telegrafi/