Një kërkim është duke u zhvilluar për tre pasagjerë britanikë të zhdukur pasi një varkë mori flakë në Detin e Kuq pranë brigjeve të Egjiptit, thanë zyrtarët.
Siç raportohet, 12 turistë u shpëtuan nga anija në Marsa Alam, për të cilën zyrtarët lokalë thanë se bartte 15 pasagjerë britanikë, 10 anëtarë të ekuipazhit dhe dy udhërrëfyes, transmeton Telegrafi.
Autoritetet thanë se raportet fillestare sugjeronin se zjarri ishte për shkak të një defekti elektrik.
Anija ishte nisur nga Porti Ghalib të martën (6 qershor) dhe do të kthehej të dielën.
“Ekzaminimi fillestar rezultoi në një qark të shkurtër elektrik në dhomën e motorit dhe autoritetet e hetimit shkuan për të kryer një inspektim dhe hetim”, tha Guvernatori i Detit të Kuq.
Pamjet në mediat sociale duke se tregojnë varkën pothuajse tërësisht të përfshirë nga flakët dhe tymi. /Telegrafi/