Rihanna kishte shumë për të festuar të mërkurën (12 korrik) pasi mësoi se shfaqja e saj “Super Bowl LVII Halftime” mori pesë nominime mbresëlënëse për “Emmy Awards”.
Duke postuar në Instagram, këngëtarja – e cila përdori momentin historik të karrierës për të njoftuar shtatzëninë e saj të dytë – ndau mirënjohjen e saj me fansat dhe ekipin e saj për arritjen e ‘mbi 121 milionë shikuesve gjatë shfaqjes’.
Krijuesja e hitit “Umbrella” postoi katër foto nga performanca që tregonin kostumin e saj të kuq tashmë ikonik që ekspozonte barkun e rrumbullakosur.
Ajo gjithashtu përfshiu një vështrim në turmën masive të Super Bowl prej gati 68,000 tifozësh në tribuna.
“5 nominime Emmy, kjo është çmenduri. Unë jam shumë mirënjohës për çdo person të vetëm të përfshirë në krijimin e këtyre kujtimeve!”, shkroi Rihanna.
Rihanna (emri i plot Robyn Rihanna Fenty) performoi një përzierje të hiteve të saj më të mëdha duke përfshirë: “B**ch Better Have My Money”, “Diamonds” dhe “Work” ndërsa Philadelphia Eagles luanin kundër Kansas City Chiefs në Stadiumin State Farm.
Fansat mund të kujtojnë se ajo e nisi rikthimin e saj të shumëpritur në skenë, megjithëse ndoshta skena më madhështore nga të gjitha, ishte ajo duke fërkuar barkun e saj për të konfirmuar se ajo ishte shtatzënë me fëmijën e saj të dytë me partnerin e saj ASAP Rocky.
Përfaqësuesi i saj më vonë konfirmoi lajmin e foshnjës me The Hollywood Reporter.
“Ne jemi të emocionuar që marrim 5 nominime Emmy këtë vit dhe jemi jashtëzakonisht krenarë për partneritetin tonë me NFL”, tha CEO i Roc Nation, Desiree Perez në një deklaratë përmes një njoftimi për shtyp.
Vitin e kaluar, Super Bowl LVI Halftime Show me Dr. Dre, Snoop Dogg, Eminem, Mary J. Blige dhe Kendrick Lamar gjithashtu mori pesë nominime për çmimin Emmy dhe përfundoi duke fituar tre.
Rihanna lindi djalin e saj RZA më 13 maj 2022, por para se të lindte kishte një numër pozash në stile të guximshme që shpesh barkun e rrumbullakosur.
Fëmija numër dy pritet të vijë gjatë verës dhe sërish mamaja krenare ka qenë e etur për të vënë barkun e saj në qendër të vëmendjes në ngjarje publike ose për postime në rrjetet sociale.
Ylli i “Love On The Brain” ka qenë e hapur për dëshirën e tre ose katër fëmijëve, në një deklaratë që ajo bëri për British Vogue në 2020 përpara se të vendosej në romancën e saj me ASAP Rocky 34 vjeç.
Ndërsa, këngëtarja ka konfirmuar më parë se planifikon të publikojë albumin e saj të nëntë të shumëpritur në studio para fundit të vitit 2023.
Rihanna është artistja e dytë femër më e shitur e muzikës e të gjitha kohërave me shitje mbi 250 milionë disqe në mbarë botën. /Telegrafi/