Në kuadër të e performancave para netëve të Eurovisionit, Jonida Maliqi e ka interpretuar në Londër këngën e saj përfaqësuese, “Ktheju tokës”.
Këngëtarja është mirëpritur nga publiku londinez gjatë interpretimit të saj në kuadër të ndejës së Londrës për festivalin evropian të këngës.
“E befasuar dhe e përulur nga publiku më mbresëlënës në Londër. Nuk mund të besoj”, ka shkruar Jonida në Instagram, ndërsa postimin e ka shoqëruar me një video nga performanca.
Edicioni i sivjetmë i festivalit evropian të këngës do të mbahet në Tel Aviv të Izraelit me datat 14, 16 dhe 18 maj.
Në skenën e Eurosong, Jonida do ta përfaqësojë Shqipërinë me këngën “Ktheju tokës”. /Telegrafi/
