Adele dhe i dashuri i saj i ri po dëshmojnë të jenë një çift shoqëror, teksa vazhdojnë të shihen mes miqve të famshëm.
Dalja e fundit e çiftit të ri ishte festa e ditëlindjes së gruas së LeBron James, Savannah James, të premten në mbrëmje në West Hollywood.
Fituesja 33-vjeçare e Grammy dhe agjenti sportiv, 39 vjeç, plotësuan njëri-tjetrin mjaft mirë gjatë daljes së tyre të natës.
Ylli i divorcuar kishte të veshur një fustan të gjatë po ashtu me mëngë të gjata me një dekolte të hapur.
Flokët i ndau në mes, gjersa pamja e natës përfundoi me një palë taka që i hoqi deri në fund të evenimentit.
Partneri i Adele në anën tjetër u shfaq krejtësisht në të zeza. Ai mori vëmendje me një këmishë të zezë të hapur duke treguar plotësisht gjoksin.
I njëjti gjithashtu kishte veshur një palë pantallona të gjera dhe këpucë të zeza.
Rich mbante një zinxhir të vetëm rreth qafës dhe mahniti me një prerje flokësh të freskët.
Çifti u shoqëruan nga një truprojë ndërsa mbaruan natën.
Ylli, i lindur në Mbretërinë e Bashkuar, u pa duke ecur zbathur në rrugën e saj drejt shtëpisë.
Dyshja konfirmuan romancën muajin e kaluar, pasi u shfaqën për herë të parë në publik në ndeshjen e pestë të finaleve të NBA në Phoenix, Arizona.
Në korrik, një mik i çiftit deklaroi se romanca e tyre është ‘rastësore’ dhe se ata nuk janë ende ‘seriozë’.
“Nuk është serioze, por ata po kalojnë mirë. Ata kanë miq të përbashkët, kështu që është mirë”.
“Ajo po jeton jetën e saj dhe po bën mirë. Po kalon një verë të mrekullueshme me [djalin e saj] Angelo. Ata po kalojnë pjesën më të madhe të kohës në Los Angeles”. /Telegrafi/
