Dy infermiere nga Long Island akuzohen se kanë falsifikuar certifikata për vaksinim kundër COVID-19, duke përfituar 1.5 milion dollarë, ka njoftuar zyra e prokurorit dhe ajo e policisë.
Julie DeVuono, pronare e klinikës pediatrike Wild Child dhe infermierja Marissa Urraro, po akuzohen për veprën penale – falsifikim, transmeton Telegrafi.
Prokurori në Suffolk, Raymond Tirni, ka thënë se ato kanë lëshuar certifikata të rrejshme për vaksinim, me një çmim prej 220 dollarë për të rritur dhe 85 dollarë për fëmijë dhe se të dhënat e rrejshme i kishin futur në data bazën shtetërore për imunizim.
Ato u kapën pasi kishin lëshuar një certifikatë të rrejshme për detektivin, që ishte në një detyrë të fshehtë që nuk ishte vaksinuar fare.
Policia ka konfiskuar në shtëpinë e DeVuono rreth 900 mijë dollarë para të gatshme, dhe librin e evidencave që tregonte se me lëshimin e certifikatave të rrejshme kishin filluar në nëntor të vitit të kaluar – duke përfituar 1.5 milion dollarë. /Telegrafi/
