Ligji për Faljen e Borxheve po ndikon në inkasimin e të hyrave në ndërmarrjet publike. Zyrtarë të ndërmarrjeve të cilat kanë filluar faljen e borxheve para dy muajsh, kanë thënë për “Zërin” se falja e borxheve ka ndikuar dukshëm në të hyrat.
Kompanitë ishin ankuar se vonesat e implementimit të ligjit kanë shënuar rënie nga marrja e vendimit. Në përgjigjen e Administratës Tatimore thuhet se deri më tani janë lidhur gjithsej 972 marrëveshje.
Blerta Nikqi, zyrtare në ATK, ka thënë se vlera e kontratave të bizneseve është 6,578,596.24, ndërsa shuma që deri më tani është paguar është 1,362,812.20 euro, shkruan Zëri.
Ndërsa, vlera e kontratave të personave fizikë borxhi 2000-2008 gjithsej (baza, ndëshkim, interes, gjoba) është 93,785.27, ndërsa shuma e paguar, sipas saj, është 26,952.19 euro.
Ndërsa, Arbnore Ademi, zëdhënëse në Kompaninë “Pastrimi”, ka thënë se deri më tani janë lidhur rreth 2113 marrëveshje me qytetarë dhe biznese. /Telegrafi/