Përfaqësues të Nismës për reforma në OBRM-PDUKM, Aleksandar Mihajllovski, Petar Bogojeski, Kostadin Bogdanov dhe Dragan Llazarov, dje dhe sot ishin për vizitë në Bruksel, ku realizuan takim në Parlamentin Evropian dhe në Komisionin Evropian.
Në Parlamentin Evropian, siç është theksuar në kumtesë, ata kanë pasur takim me treshen e eurodeputetëve për Maqedoninë, Ivo Vajgl, i cili është raportues në Parlamentin Evropian për Maqedoni, Knut Fleckenstein, eurodeputet nga Gjermania, si dhe me përfaqësues të Kabinetit të eurodeputetit Eduard Kukan.
Në këto takime janë theksuar përpjekjet për reforma dhe demokratizim të OBRM-PDUKM-së, si proces i nevojshëm dhe i pandalshëm, veçanërisht pas rezultateve që i realizoi partia në rrethin e parë të zgjedhjeve lokale.
Nga Nisma për reforma në OBRM-PDUKM theksojnë se është përmendur shqtësimi i dyanshëm për rënien e rejtingut të OBRM-PDUKM-së dhe stabilitetin e opozitës në Maqedoni.
Kjo vizitë e anëtarëve të Nismës për reforma në OBRM-PDUKM, është vazhdim i komunikimit të rregullt me Brukselin dhe vazhdimësi e takimeve të cilat ishin realizuar gjatë vizitës së kaluar në shtator./Telegrafi/