Komisioni Shtetëror Zgjedhor (KShZ) në bashkëpunim me Institutin Demokratik Kombëtar (NDI) sot do t’i vizitojë komisionet komunale zgjedhore në Dibër, Ohër dhe Novo Sello ku do të realizohet takime me kandidatët për kryetar komune në këto komuna apo me përfaqësuesit e tyre të autorizuar.
Sipas njoftimeve, kreu i KShZ-së Oliver Derkoski paradite bashkërisht me nënkryetaren Dimtmire Shehu dhe anëtarin e KShZ-së Enver Salihi, si dhe me drejtorin e IDK-së Kris Henshou do ta vizitojnë komisionin komunal zgjedhor në Dibër kur do të takohen me përfaqësuesit e autorizuar të kandidatëve për kryetar komune, ndërsa gjatë pasdites do ta vizitojnë komisionin zgjedhor komunal në Ohër ku do të takohen me kandidatët për kryetar komune, përcjell Telegrafi Maqedoni.
Anëtarët e KShZ-së Elizabeta Postollvska dhe Janaqe Vitanovski dhe sekretari i përgjithshëm i KShZ-së Dobre Jançev, bashkërisht me përfaqësues të IDK-së sot paradite do të vizitojnë komisionin komunal zgjedhor në Novo Sello ku do të realizojnë takim me kandidatët për kryetar komune./Telegrafi/