Florentino Perez ka vetëm fjalë të mira për Zinedine Zidane dhe Cristiano Ronaldon.
Në një prononcim për mediat, presidenti i Los Blancos thuri elozhe për trajnerin francez dhe super yllin portugez . Zidane simbolizon gjithçka që është Real Madridi.
Ai është pjesë e legjendës së këtij klubi. Ai është një kampion si futbollist, por edhe si trajneri i dytë dhe si trajner i parë theksoi fillimisht Perez.
“Një nga vendimet që më ka bërë më shumë krenar dhe më ka dhënë një kënaqi të veçantë ka qenë firma me Zizu. Angazhimi i tij ka qenë përcaktuese për Realin e Madridit të shekullit të 21-të”, ka deklaruar Perez, transmeton Syri.net.
Ai ka thënë se si trajner, francezi bën pjesë në historinë tonë të ndritur. Dijet e tij, mënyra sesi e administron grupin, por edhe përulësia që karakterizon kanë pasur një rol vendimtar në fitimin e La Undecimas, trofeut numër 11 të Ligës së Kampionëve në historinë e klubit. Nga Zidane te Cristiano Ronaldo, Perez foli edhe yllin portugez i cili po luan sezonin e tij të tetë me Los Blancos.
“Cristiano është një mit i madridizmit, ai është golashënuesi më mirë në historinë e klubit tonë, na ka ndihmuar të fitojmë shumë trofe, më nuk më mbetet gjë tjetër veçse ta falënderoj gjithmonë për të gjitha ato që ka arritur me Realin e Madridit”, ka shtuar Perez.