Presidenti i Real Madridit, Florentino Perez, në vazhdën e spekulimeve për një largim të Cristiano Ronaldos ka potencuar dëshirën e tij për të pasur Lionel Messin në ekip dhe shprehu pendimin e tij pse nuk arriti të transferonte argjentinasin më herët.
Argjentinasi ka qenë te Barcelona nga mosha 13 vjeçare, duke fituar tetë trofe të La Ligas, katër Liga të Kampionëve dhe pesë Topa të Artë në Camp Nou.
Perez ka pranuar se do të ishte ëndërr ta transferonte sulmuesin e rivalit të përbetuar, por se ëndrrat për të mbetën vetëm të tilla për shkak të faktit se Barcelona e transferoi atë në moshë të re.
“Natyrisht se ne do të dëshironim ta kishim atë te Real Madridi”.
“Por, ai ishte te Barcelona në ekip të të rinjve, kështu që nuk ka mundur të ndodhë”, u shprhe presidenti i klubit mbretëror.
Messi ka 507 gola në 583 paraqitje për Barcelonën, përderisa ka realizuar 58 gola në 118 paraqitje për Argjentinën. /Telegrafi/