Florentino Perez pretendon se njerëzit e kritikojnë Real Madridin sepse e kanë zili klubin mbretëror, pavarësisht fillimit tronditës të sezonit me rezultate zhgënjyese.
Real Madridi tashmë është tetë pikë larg liderit në La Liga, Barcelonës, dhe ka të ngjarë të kualifikohet në Ligën e Kampionëve nga vendi i dytë i grupit.
Kjo ka bërë që shumë njerëz të sugjerojnë se Los Blancos janë më të dobët se sa ishin sezonin e kaluar.
Megjithatë, sipas presidentit të klubit, Perez, njerëzit e kritikojnë klubin mbretëror pasi ia kanë zili.
“Madridi po bën mirë dhe kjo është ajo”, ka thënë fillimisht Perez për OK Diario.
“Ata po na kritikojnë, si gjithmonë … si gjithmonë. Në film, Bernabeu thotë “ata na kritikojnë sepse na kanë zili”.
“Por është e vërtetë, ata po na kritikojnë për këtë arsye”, përfundoi presidenti i Realit.
Perez iu referua dokumentarit të fundit për themeluesin e Madridit, Santiago Bernabeu, i cili u transmetua më parë gjatë javës. /Telegrafi/