Cristiano Ronaldo e prishi paksa festën e madrilenëve pas triumfit në Ligën e Kampionëve.
Los Blancos fituan në finalen e Kievit 3-1 përballë Liverpoolit falë dy golave nga Gareth Bale dhe një tjetri nga Karim Benzema.
Pas ndeshjes Ronaldo deklaroi se nuk e di të ardhmen dhe se është i lumtur që ka qëndruar kaq gjatë në Madrid.
Por fjalëve të Ronaldos i ka dhënë përgjigje edhe numri një i Real Madridit, Florentino Perez.
“Të gjithë kanë të drejtë të flasin, por për një klub si ne më me rëndësi është klubi se sa individi. E rëndësishme është tani që të gjithë ta festojnë trofeun e fituar”.
“Gjithmonë flitet për Ronaldon dhe në fund nuk ndodhë asgjë”, deklaroi Perez.
Ai tha se është i lumtur që Cristiano ka fituar pesë herë trofeun e Ligës së Kampionëve.
“Jam i lumtur që Ronaldo ka fituar pesë Liga të Kampionëve sa kam edhe unë si president i Real Madridit”.
“Për çdo gjë tjetër mund ta pyesni vetë Ronaldon. Ai do të vazhdoj të jetë i lumtur, nuk është se do të vendos të qëndrojë, ai ka kontratë me ne”, përfundoi Perez.
Për Realin triumfi ndaj Liverpoolit ishte i 13-ti në histori të klubit në një finale të Ligës së Kampionëve. /Telegrafi/