Për shkak se bora gjoja nuk po shkrihet, përdorues të shumtë të mediave sociale besojnë se është një komplot.
Shteti amerikan i Teksasit u godit nga një stuhi dëbore javën e kaluar, e cila e hodhi rajonin në kaos. Më shumë se 30 njerëz vdiqën dhe shtëpi të shumta u dëmtuan rëndë nga të ftohtit.
Në platformat e mediave sociale, shumë përdorues besojnë se kaosi i borës nuk ka origjinë natyrore. Në video ata duan të tregojnë se bora nuk është normale, transmeton Telegrafi.
Për ta provuar atë, ata përpiqen të shkrijnë borën me një çakmak, shkrepës ose tharëse flokësh.
Por për shkak se nuk funksionon ashtu si e imagjinuan, ata besojnë se duhet të jetë borë e rreme.
Komploti i borës
Për shumë, tashmë është e qartë se kush qëndron prapa stuhisë së dëborës të shkaktuar artificialisht: pikërisht Bill Gates, qeveria amerikane dhe presidenti i ri amerikan Joe Biden.
Pasi një përdorues i TikTok u përpoq pa sukses të shkrinte një top dëbore me një çakmak , ajo tha, “Për qeverinë tonë dhe Bill Gates – faleminderit. Faleminderit Bill Gates që na bëri të besojmë se ishte bora e vërtetë”.
Videoja është fshirë ose hequr.
Një përdorues tjetër i TikTok tenton të shkrijë një top dëbore me tharëse flokësh. Për shkak se dëbora nuk tretet menjëherë, është e qartë për ta se duhet të jetë borë artificiale.
Përdoruesit e tjerë sqarojnë
Pas tij në TikTok dhe platformat e tjera të mediave sociale “Fake Snow” ka qenë tendenca kryesore, ku shumë përdorues të tjerë kanë postuar video në të cilat shpjegojnë se si sillet bora kur nxehet me një çakmak.
Nga njëra anë, nxehtësia bën që uji të ndryshojë nga gjendja e tij e ngurtë në një gjendje të gaztë dhe ai praktikisht tretet në ajër.
Nga ana tjetër, uji i lëngshëm absorbohet nga bora e ngurtë në mënyrë që të mos fillojë të pikojë. /Telegrafi/