Një fluturim i British Airways është shtyrë për shkak të një problemi me një perde që ndante klasën e biznesit dhe ekonominë.
Fluturimi nga Sevilla në Spanjë për në aeroportin Gatwick në Londër tashmë veçse ishte me vonesë për shkak të mjegullës dhe dukshmërisë së dobët, pasi avioni duhej të devijohej në një aeroport tjetër në një udhëtim të mëparshëm.
Kur aeroplani më në fund mbërriti në Sevilla, pasagjerëve iu desh të prisnin edhe më gjatë për shkak të problemit të perdes dhe përfundimisht ata u nisën me pak më shumë se tre orë me vonesë, më saktësisht në orën 14:45 (13:45 me orën e Mbretërisë së Bashkuar), kur në fakt ata duhej që të niseshin në orën 11:30 (10:30 me orën e Mbretërisë së Bashkuar), raporton metro, përcjell Telegrafi.
Njerëzit që ishin në bord treguan se si u informuan se kishte një problem teknik me perden, gjë që do të thotë se ata nuk mund të vazhdonin me fluturimin.
Problemi besohet të ketë qenë një çështje sigurie, me një pjesë të parmakut të liruar e cila mund të kishte shkaktuar një problem nëse nuk do të ishte kapur mirë.
@BritisAirways right now sitting at Seville airport waiting for a delayed flight. Cause of delay…the curtain between business and euro traveller is broken. Really? Also absolutely no communication from the airport or BA staff
— William (@William73696915) November 14, 2022
Një pasagjer i quajtur William në Twitter shkroi: “I ulur në aeroportin e Seviljes duke pritur për një fluturim të shtyrë. Shkaku i shtyrjes…perdja mes klasit të biznesit dhe klasit euro është ‘dëmtuar’…”.
Ndërsa një zëdhënës i British Airways tha: “Ne u kërkojmë falje klientëve për shtyerjen e fluturimit, q; u shkaktua nga devijimi i avionit në një aeroport alternativ në udhëtimin e tij të mëparshëm për shkak të dukshmërisë së dobët. Avioni veçse është nisur nga Sevilja”. /Telegrafi/