Shërbimi i hartave të Google ka marrë një azhurnim të ri që premton shumë më shumë detaje.
Google ka njoftuar një azhurnim për hartat që do të përmirësojnë dukshëm ekranin e hartës.
Vizualizimi abstrakt, i cili shfaqte vetëm tipare topografike si pyjet, malet, por edhe akullin e akullnajave në një mënyrë të thjeshtuar, tani shfaqet në shumë më detaje, transmeton Telegrafi.
Harta më e bukur e Islandës dhe Kroacisë
Falë ekranit të përmirësuar, shumë nuanca të tjera janë të dukshme – qoftë maja të mbuluara me dëborë, lloje të ndryshme të bimësisë dhe pyje, si dhe karakteristika të tjera skenike.
Google ka zgjedhur Islandën dhe bregdetin e Kroacisë si shembuj.
Fotografitë para-dhe-pas tregojnë dallime të qarta në prezantim përsa i përket kodimit të ngjyrave dhe detajeve topografike.
Me përpunimin më të përsosur, Google është duke ndjekur shembullin e Apple, i cili aktualisht është duke e rregulluar plotësisht shërbimin e hartave.
Për dallim nga Apple, që deri më tani e ka bërë materialin e hartave veçanërisht të hollësishme, të disponueshme kryesisht për SHBA-në, azhurnimi i Google Maps duhet të përfshijë rajone të ndryshme nga e gjithë bota, siç tregojnë pamjet e paraqitura më parë nga Evropa, por edhe Maroku dhe SHBA.
Sipas Google, ekrani i azhurnuar i hartës do të shfaqet për të gjithë përdoruesit e Google Maps më vonë këtë javë. /Telegrafi/