Dy djemtë e baronit të drogës në Meksikë, Joaquin “El Chapo” Guzman, po vazhdojnë perandorinë e babait të tyre.
Kjo është vënë në dukje nga prokurorët e çështjes, me qëllimin për të kërkuar mbrojtje më të fortë ndaj dëshmitarëve.
Sipas tyre, karteli e ka ende aftësinë dhe vullnetin për t’i lënduar dëshmitarët.
“Nuk ka dyshim që i pandehuri dhe karteli i tij e kanë ende aftësinë, burimet dhe dëshirën për të lënduar personat që bashkëpunojnë, si dhe familjet e tyre”, thotë komunikimi zyrtar, përcjell oranews.tv.
Guzman, 61 vjeç, më parë udhëhoqi kartelën Sinaloa të Meksikës, e cila është përshkruar nga zyrtarët si një nga organizatat më të fuqishme të trafikut të drogës në botë.
Ai u ekstradua në SHBA nga Meksika në janar 2017, pasi u arratis nga dy burgje meksikane.