Adriano i kishte të gjitha parakushtet për t’u bërë një nga sulmuesit më të mirë në historinë e futbollit, por në vend të kësaj, për shkak të problemeve me depresionin dhe alkoolin, jo vetëm karriera, por edhe jeta e tij pësoi një pengesë të madhe.
Dhe duket se edhe sot situata nuk është ndryshe, pasi ai vazhdon të jetojë lagjeve braziliane dhe shëtit rrugëve i dehur.
Një përdorues i TikTok-ut postoi një video nga një treg brazilian që tregon Adrianon, i cili duket të jetë në gjendje të dehur.
Braziliani foli fillimisht me një grua të cilën me shaka e largoi duke buzëqeshur.
Më pas automjeti në të cilin ndodhej autori i videos ndaloi dhe burri thirri Adrianon, i cili iu afrua dhe i puthi dorën.
@rayrayfreire2 @Adriano Imperador da vila cruzeiro pra o Mundofutebol viral adrianoimperador
Në karrierën e tij, Adriano ka luajtur për klube si: Flamengo, Inter, Fiorentina, Parma, Sao Paulo, Roma, Corinthians, Atletico Paranaense, ndërsa karrierën e mbylli te Miami United në vitin 2016. /Telegrafi/