Për të qenë gjithmonë në modë

Nëse edhe me ty ndodh kështu, atëherë lexoni disa nga këshillat tona për të mos bërë më gabime në blerje.

Një pafundësi stilistësh nga e gjithë bota paraqesin modelet dhe stilimet e tyre dhe përgjithësisht ne kemi tendencën të kopjojmë gati çdo model që shohim nëpër revistat e modës. Në raste të tjera, thjesht jemi ëndërrimtarë dhe nuk e iluzionojmë veten se mund ta kemi atë fustanin fantastik që ka veshur ajo modelja me forma të përsosura … Nuk është e thënë që ju të merrni çdo detaj nga sfilatat e modës, prandaj po ju japim disa këshilla që duhet t’i keni parasysh.* Si fillim fiksojeni mirë në mend: jo gjithçka që ekspozohet në pasarela duhet të përshtatet në jetën reale. Në të kundërt, do të rrezikoni të dukeni absurde dhe gati qesharake. Ndiqeni modën, por jo në ekstremet e saj.

* Duhet te dini që, s’është e thënë se mjafton vetëm firma e një stilisti të njohur për të të bërë të dukesh bukur.

* Është e rëndësishme të viheni në dijeni të faktit se edhe nëse nuk keni mundësinë të përvetësoni veshje të caktuara firme, nuk është e thënë se duhet të hiqni dorë nga cilësia. Përqendrohuni dhe organizohuni që të arrini të kurseni dhe të përvetësoni të paktën ndonjë lloj aksesor firme, të cilët janë në gjendje të bëjnë diferencën në imazhin tuaj, të tillë si: syze, rripa dhe çanta.* I njëjti rregull vlen edhe për bizhuteritë dhe aksesorët që përfshihen në këtë klasë. Janë të shtrenjtë, por janë menjëherë të dukshëm dhe në gjendje të të falin shumë finesë, klas dhe elegancë. Mjafton të keni qoftë edhe një ose dy, e rëndësishme më pas është që të dini t’i kombinoni dhe përshtatni me gardërobën tuaj.

* Kërkoni dhe bëni tuajën të paktën një fustan, një veshje të veçantë në ngjyra dhe stil, duke e përshtatur më së miri me personalitetin tuaj. * Mos harroni që t’i hidhni herë pas here një sy stacioneve televizive të dedikuar sfilatave dhe aktiviteteve që merren me industrinë e modës. Sigurisht që në shumicën e rasteve ju mund vetëm t’i ëndërroni veshjet që propozohen nga stilistët, por tregohuni të vëmendshme dhe përvetësoni hilen. Jo domosdoshmërisht duhet të keni veshjen origjinale, por nëse arrini të kuptoni format, stilet dhe modelet, ju mund të realizoni veshjet që ju tërheqin edhe vetëm duke blerë copa dhe duke iu drejtuar rrobaqepëses suaj më të besuar. Nëse e nuk mund të keni origjinalin, fare lehtë mund të realizoni një kopje të përkryer. /Telegrafi/ Profil: Nora Fejza