Sipas hulumtuesve, shmangia e ushqimeve të gatshme dhe të blera nga jashtë, zvogëlon rrezikun nga diabeti i tipit dy.
Njerëzit që hanë nga dy shujta në ditë, të përgatitura vet, e zvogëlojnë rrezikun nga diabeti për 13 për qind.
Kjo për shkak se, kur përgatiten ushqimet në shtëpi, shmangen yndyrërat dhe gjërat e ëmbla.
Të gjitha këto ndikojnë në shëndetin dhe në peshën e trupit, transmeton Telegrafi.
Me evitimin e peshës së tepër, mund të bëhen edhe shmangia e diabetit, apo siç njihet në popull, sëmundja e sheqerit.
Ndryshe, statistikat botërore flasin se që nga viti 1996, numri i të prekurve me diabet, është dyfishuar. /Telegrafi/