Pamje rrëqethëse të një video janë duke qarkulluar në internet, ku shfaqet momenti kur një baba qëllohet për vdekje në prezencë të gruas dhe djalit 5-vjeçar – dhe e gjithë kjo ndodhi për shkak të një borxhi.
Eder Bruno de Melo Alves po ecte në trotuar me familjen e tij, kur u qëllua për vdekje nga dy persona që ishin në një motoçikletë, transmeton Telegrafi.
Videoja raportohet se është filmuar nga gruaja e të ndjerit që po mbante në dorë telefonin, derisa të shtënat janë filmuar edhe nga kamerat e sigurisë.
Mirror Online ka edituar videon për shkak të përmbajtjes së rëndë, ndërsa para se të shkrepej plumbi i parë gruaja e të ndjerit dëgjohet duke bërtitur e tmerruar nga frika.
Fillimisht ai plagoset rëndë, ndërsa gruaja e tij mundohet ta ndihmojë ai në një moment rrëzohet në tokë në prezencë të gruas dhe djalit të vogël dhe vdes në vend.
Mediat braziliane raportojnë se Alves, 33-vjeç, është qëlluar për vdekjes gjatë 20 janarit në Sao Jose do Rio Preto në periferi të Sao Paulos.
Sipas Globo.com, të dyshuarit për vrasje ishin dajë e nip, të cilët e vranë Alvesin për shkak të një borxhi prej 500 dollarëve.
Personi që ngiste motoçikletën është identifikuar si Flavio Gomes de Souza i cili pas disa orëve është arrestuar, ndërsa daja i tij Francisco Filho Gomes Cavalcante është në arrati. /Telegrafi/
