Gratë të cilat kapen duke iu parë “dekolteja e prapanicës” do të duhet të paguajnë dënimin prej rreth 870 eurosh dhe do të kalojnë 90 ditë në burg. Nëse fëmija më i vogël se 14 vjeç sheh atë që nuk do të duhej, dënimi do të jetë deri në 3.500 euro.
Ky ligj vlen në qytetin Yakima të Uashingtonit. Gratë, tangat e të cilave janë të dukshme në vend publik, bëhen kriminele.
Kryetari i bashkisë Dave Elder e ka rekomanduar ligjin për shkak të kameriereve të veshura me pak rroba në trup të cilat shërbejnë mysafirët në bikini apo me rroba nën të cilat shihen tangat. Ligji është votuar me pesë vota pro dhe dy kundër. Edhe pse ai fillimisht është i dedikuar për bare, ligji do të zbatohet edhe në gratë tjera.
Gratë vlerësojnë se kryetari i bashkisë, i cili është edhe prift, do të duhej të merrej me punë më të mençura, e jo me brekët e tyre.
“Kjo është qesharake! Më së miri do të ishte të na e përcaktojnë edhe çfarë stili të flokëve do të bartim”, ka thënë një grua e inatosur.