Komuna e Dibrës këtë vit planifikon të shpenzojë 120 milionë denarë për përmirësimin e infrastrukturës, në pajtueshmëri me Programin për ndërtim, riparim, mirëmbajtje dhe mbrojtje të rrugëve lokale dhe rrugëve, përcjell Telegrafi Maqedoni nga AIM.
Sipas Petrit Paçuku, me programin janë paraparë ndërtimi i rrugëve lokale në shumë fshatëra, për të cilat janë paraparë mjete deri 300 mijë deri 4.2 milionë denarë.
Financimet planifikohen të sigurohen nga Ndërmarrja publike për mbajtjen e rrugëve Shkup, 15 milionë denarë, participim (komuna dhe banorët) 50 milionë denarë, Agjencia për zhvillim paralel të Maqedonisë 25 milionë denarë dhe nga donacionet 30 milionë denarë. /Telegrafi/