Ekipi prishtinas nga kjo ndeshje synon të nxjerr një rezultat pozitiv” Ne jemi të përgatitur mirë për këtë takim. Kundërshtarin e njoh, dhe jemi të barabartë. Nga kjo ndeshje synojmë rezultat pozitivë”, ka thënë trajneri i prishtinës, Beqir Hasanxhekaj.
Në sezonin e kaluar, klubi nga Bazeli ia ka dalë për herë të parë të kualifikohet për gara ndërkombëtare. Dhe sprovën e parë në këtë drejtim Regio Basel do ta ketë në ndeshjen me klubin e hendbollit të femrave, Prishtina
Kurse, në garat e edicionit të kaluar Prishtina kishte eliminuar skuadrën greke GAS Megas Alexandros kurse më pas është mposhtur nga skuadra sllovene Zagorje.
Në radhët e skuadrës zvicerane luan edhe kosovarja Flaka Dervishaj. Ndeshja do të luhet sot në sallën Rankhofhalle të Bazelit, duke filluar në orën 17.00. /Express/Telegrafi/