Presidenti amerikan Donald Trump këto ditë ka pasur një agjendë mjaft të ngjeshur, për faktin se ka realizuar disa udhëtime zyrtare jashtë vendit.
Zëdhënësja e Shtëpisë së Bardhë, Sarah Sanders, ka njoftuar gazetarët se presidenti Trump për pesë ditë ka udhëtuar mbi 38 mijë kilometra, transmeton Telegrafi.
“Aterrimi me aeroplanin presidencial Air Force One në Washington pas udhëtimit historik, po konsiderohet si më i gjati. Ai ka udhëtuar plotë 38.624 kilometra dhe atë për vetëm pesë ditë, ku 42 orë ishin vetëm në ajër”, ka shkruar Sanders në profilin e saj në Twitter ku publikoi edhe videon e daljes së Trumpit nga aeroplani.
Se Trump ka udhëtuar shumë këto ditë dhe është lodhur e ka treguar edhe vetë ai pas rikthimit në Washington, ku u është drejtuar gazetarëve duke u thënë se nuk ka fjetur për më shumë se 25 orë.
Ai kishte udhëtuar për në Singapor nga Toronto që të takohet me liderin verikorean, Kim Jong-un, ndërsa në Kanada po merrte pjesë në Samitin e G7-së. /Telegrafi/
Touchdown in DC after an incredible and historic trip. Circled the globe – 24k miles in 5 days with 42hrs in the air. pic.twitter.com/0GSVyNMXMH
— Kayleigh McEnany 45 Archived (@PressSec45) June 13, 2018
Final mileage for Trump’s round the world trip was about 23,900 miles, per WH pic.twitter.com/1In4ZSYuEU
— Steve Holland (@steveholland1) June 13, 2018