Aktivistët e iniciativës “Për Maqedoni të përbashkët” sot për të 76-tën ditë me radhë përmes një diskutimi shprehën revoltën e tyre kundër Deklaratës së përbashkët të partive shqiptare, përcjell Telegrafi Maqedoni.
“Sot në 76-tën ditë prej kur filluan marshet protestuese të iniciativës “Për Maqedoni të përbashkët” u mblodhëm në një diskutim, duke ftuar edhe anëtarët e iniciativës nga Shkupi dhe qytetet tjera. Diskutuam për periudhën që lamë pas dhe për atë që vjen, e cila është shumë e rëndësishme për luftën tonë në të cilën ndodhemi”, deklaroi Bogdan Ilievski, njëri nga organizatorët e protestave.
Ai tha se është diskutuar edhe për dorëzimin e një iniciative në Gjykatën Kushtetuese për kushtetutshmërinë dhe ligjshmërinë e kryetarit të ri të Kuvendit.
Ai gjithashtu theksoi se do të vazhdojnë me protestat dhe se rezistenca është detyrë e tij./Telegrafi/