Kryetari i AAK-së, Ramush Haradinaj, gjatë qëndrimit të tij në SHBA ka takuar ish-përfaqësuesin e presidentit të SHBA-së në negociatat për statusin e Kosovës, Frank Wisner.
Haradinaj, në një postim në Facebook, ka thënë se “gjithmonë kënaqësi takimi me mikun e madh të Kosovës, ambasadorin Frank Wisner”.
“Ambasadorit Wisner i dhurova medaljen ‘ME BESIM NË ZOT, ATDHE E SHTET’ për kontributin e tij të madh në pavarësimin dhe konsolidimin e shtetit tonë”, ka shkruar Haradinaj, transmeton Telegrafi.
Ambasadori Frank G.Wisner ishte përfaqësues i SHBA-së në bisedimet e Vjenës për statusin e Kosovës. /Telegrafi/