Z.H nën kujdesin e ekipit profesionist të ortopedëve udhëhequr nga Dr.Florin Ramadani, në bashkëpunim me Kirurgun Plasitk çek Dr. Tomas Kempny dhe ekipin e anestezistëve, iu nënshtrua operacionit që zgjati 5 orë në Spitalin Amerikan në Prishtinë . Në fakt kjo 22 vjeçare është pacientja e parë në Kosovë që i nënshtrohet një operacioni të tillë, transplantimin mikrovaskular me indet e buta i cili është i lidhur me anastomozë direkt vaskulare.
Kirurgu plastikë dhe rekrostruktiv, Tomas Kempny, u shpreh i bindur se vajza 22 vjeçare do të ecë si më parë.
Dr. Kempny: Zgjidhja përfundimtare, pacientja do të ecë normalisht:
“Për rastin në fjalë kemi të bëjmë me mungesë të indeve të buta, zona ku është trajtuar pacientja më herët është e mbuluar vetëm me një lëkurë të hollë e cila është ngjitur në kockë dhe kjo është jo konforme dhe nga aspekti i lëvizjes shkakton dhimbje. Merret një pjesë e indeve të buta më të trasha, me muskul dhe me inde të buta në pjesën e barkut dhe bëhet transplantimi anestemoza mikro-vaskulare dhe mikro-kirurgjike. Është operacion që zgjat 5 orë, varësisht nga rregullat dhe është një zgjidhje definitive ku pacientja do të ecë me thembër”, tha Kempny.
Doktor Florin Ramadani, në Spitalin Amerikan në Prishtinë, tha se ky intervenim ka qëllime humanitare dhe se ky është pa mbulesa materiale.
Dr. Ramadani: Operacioni për qëllime shëndetësore dhe humanitare:
Është fjala për një pacientë të re e moshës 22 vjeçare e cila si 15 vjeçare ka pësuar një aksident të rëndë. Ky operacion, i pari në Kosovë i këtij llojit, realizohet me iniciativën e të gjithëve për ti ardhur në ndihmë pacientes por edhe për të hedhur një hap më tej në shëndetësinë tonë.
Tashmë 4 ditë pas operacionit Z.H është në gjendje shumë të mire dhe shprehet e gëzuar që do ti rikthehet jetës dhe ecjes normale. Në ditët në vijim do ti nënshtrohet edhe një programi specific post operator për rekuperimin e plotë.
Spitali Amerikan me lokacion të ri “Rr. Shkupi”, Nr 25 pranë rrethit të spitalit në Prishtinë, është gjithmonë në kërkim të perfeksionit për ti ofruar pacientëve një trajtim mjekësor professional.