Një ish-roje i pakënaqur i sigurisë ka mbajtur peng dhjetëra njerëz të hënën, në një qendër tregtare në Filipine.
Dhe më pas, për çudi të të gjithëve, ai kishte vendosur të mbante një konferencë me gazetarë, për tu treguar atyre se pse e kishte bërë një gjë të tillë.
Sipas mediave të huaja, përcjell Telegrafi, bëhet fjalë për Archie Paray, 31 vjeç, që u pushua së fundmi nga V-Mall në San Juan City në Metro Manila pasi nuk arriti të paraqitet për punë me kohë.
Siç thuhet më tej, të hënën, ai hyri në vendin e tij të mëparshëm të punës, qëlloi një roje tjetër të sigurisë dhe më pas mori si 70 vetë peng.
Për pasojë, qendra u evakuua dhe policët mbërritën menjëherë.
Situata u mor seriozisht dhe autoritetet donin të shmangnin përsëritjen e disa sulmeve të tjera vdekjeprurëse në Filipine vitet e fundit.
Për 10 orë, Paray komunikoi me autoritetet dhe mediat. Ai tregoi pengjet dhe një granatë, përmes një thirrje video.
Megjithatë, policia nuk ka konfirmuar nëse ai kishte një granatë të vërtetë.
Deri në mbrëmje, të gjithë pengjet u lanë të palënduar.
Por ajo që ishte e pazakontë ishte që pas lëshimit të pengjeve Parayt iu dha një shans – 20 minuta – për të shprehur shqetësimet e tij për mediat.
Ai mori pyetjet e gazetarëve dhe akuzoi sigurimin e qendrës se ishte korruptiv. Ai më pas u kap nga policia dhe u mor në arrest. /Telegrafi/