Inaugurimi i presidentit të ri malazez, Jakov Milatoviq, më 20 maj do të mbahet në Podgoricë, me shumë gjasa në parlamentin e Malit të Zi.
Tradita e betimit të kreut të shtetit në kryeqytet, duke marrë kështu detyrën, do të ndryshojë këtë vit për shkak të vlerësimit të policisë se Milatoviqit mund t’i kërcënohet jeta në Cetinje.
Mes dy raundeve të zgjedhjeve presidenciale, ai mori mbrojtje të përkohshme policore, të cilën e kërkuan lëvizja “Evropa Tani”, për shkak se ishte kërcënuar fizikisht, raporton vijesti.me.
Ai vendim është marrë nga qeveria dhe ka qenë i përkohshëm, me qëllim që Agjencia e Sigurisë Kombëtare (ANB) dhe Drejtoria e Policisë të përcaktojnë nëse dhe nga ku ishte në rrezik Milatoviq.
Inaugurimi, gjegjësisht shpallja ceremoniale e presidentit në seancën e Kuvendit është mbajtur zakonisht në Shtëpinë e Qeverisë në Cetinje.
Në Prestonicë është edhe rezidenca e presidentit të shtetit. Aty fillon çdo seancë e rregullt pranverore dhe verore e parlamentit, pra mbahet seanca e parë.
Drejtoria e Policisë tha se është duke u zhvilluar procesi i vlerësimit të sigurisë së inaugurimit në Cetinje, si dhe përgatitja për vetë ngjarjen.
Ndryshe, Milatoviq u sulmua nga një grup i qytetarëve më 10 mars në Cetinje, para fillimit të konventës së partisë së tij. /Telegrafi/