Prokurori i Shtetit njofton se gjatë 24 orëve të fundit nga prokuroritë themelore janë ngritur 31 aktakuza kundër 34 personave.
Gjithashtu, me urdhër të Prokurorit të Shtetit, janë ndaluar 12 persona të dyshuar dhe janë paraqitur tri kërkesa për caktimin e masës së paraburgimit kundër tre 3 personave të dyshuar.
Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar 7 persona të dyshuar, ka paraqitur dy kërkesa për caktimin e masës së paraburgimit për dy persona të dyshuar, si dhe ka ngritur 11 aktakuza kundër 11 personave për vepra të ndryshme penale.
Prokuroria Themelore në Prizren, gjatë 24 orëve të fundit, ka ngritur 16 aktakuza kundër 18 personave për vepra të ndryshme penale.
Prokuroria Themelore në Pejë, gjatë 24 orëve të fundit, në tri raste të ndara, ka ndaluar 3 persona të dyshuar për vepra të ndryshme penale.
Prokuroria Themelore në Gjilan, ka ngritur 3 aktakuza, kundër 4 personave.
Prokuroria Themelore në Gjakovë, gjatë 24 orëve të fundit, ka ndaluar 1 person të dyshuar dhe ka paraqitur 1 kërkesë për caktimin e masës së paraburgimit kundër 1 personi.
Prokuroria Themelore në Ferizaj, gjatë 24 orëve të fundit, ka ndaluar 1 person të dyshuar dhe ka ngritur një 1 aktakuzë kundër 1 personi. /Telegrafi/