Në dhjetët ditët e fundit numri i të infektuarve me coronavirus në Evropë është dyfishuar, kurse shtetet evropiane kanë regjistruar numër rekord të sëmurëve.
Për herë të parë nga 12 tetori, në Evropë janë regjistruar 100 mijë raste të reja në vetëm një ditë, transmeton Telegrafi.
Siç raporton Reuters, deri më tani në Evropë nga coronavirusi janë prekur 7.8 milionë njerëz, kurse 247 mijë tjerë kanë humbur jetën.
Vendet evropiane si Italia, Austria, Kroacia, Sllovenia dhe Bosnja e Hercegovina kanë regjistruar numër rekord të rasteve të reja, e Evropa si kontinent ka shumë më shumë të sëmurë brenda një dite sesa India, Brazili dhe SHBA-të së bashku.
Në botë është regjistruar numri më i madh i rasteve të reja me COVID-19 – 422.835. Evropa regjistron 19 përqind të rasteve të përgjithshme dhe 22 përqind të rasteve me vdekje nga coronavirusi.
E numrin më të madh të rasteve regjistron Franca me rreth 25 mijë të infektuar brenda 24 orëve. Numër rekord të rasteve të reja kanë regjistruar edhe Holanda, Gjermania, Zvicra, Irlanda, Polonia dhe pjesa më e madhe e Austrisë dhe Italisë. /Telegrafi/