Pep Guardiolas i largohet krahu i djathtë nga Man City, ai ka nënshkruar me klubin Al-Sadd

Juanma Lillo ka vendosur ta lërë Manchester Cityt, për të marr vetë drejtimin e Al-Sadd , klubit të njohur të Katarit.

Lillo që ka qenë asistent i Pep Guardiolas sezonet e fundit do të zërë vendin e Xavit, i cili u shpall kampion i Katarit sezonin e kaluar.

Është i njëjti klub në të cilin Xavi bëri një hap gjigant në karrierën e tij përpara se të nënshkruante për Barcelonën.

Lexo po ashtu Efekti Juanma Lillo te Manchester City – krahu i djathtë i Pep Guardiolas që rregulloi problemet në mbrojtje dhe ndihmon në leximin e situatave të vështira

Puna e Lillos me Guardiolan është vlerësuar nga të gjithë, përfshirë edhe vetë Pepin.

“Koha ime në Man City ka qenë një nga ato që e kam shijuar më shumë në të gjithë karrierën time”.

“Të punosh së bashku me Pepin dhe me pjesën tjetër të stafit teknik dhe me këtë grup lojtarësh ka qenë një kënaqësi dhe shpresoj të kem qenë në gjendje të luaj rolin tim të vogël në sukseset që kemi arritur në fushë”.

“I uroj klubit gjithë të mirat dhe të arrijë të gjitha ambiciet e tij në të ardhmen”, ka thënë Lillo në faqen e klubit. /Telegrafi/