Pep Guardiola nuk e ka harruar mesazhin që ai mori kur ai arriti për herë të parë në Manchester City në vitin 2016 – të fitojë Ligën e Kampionëve, ose nuk mund të konsiderohesh plotësisht i suksesshëm.
City triumfoi 2-0 në ndeshjen kthyese ndaj Borussia Monchengladbach duke siguruar kalimin në çerekfinale të Ligës së Kampionëve.
Megjithatë, Guardiola ka zbuluar se objektivi, suksesi dhe prestigji i vetëm i tij dhe klubit është nëse në fund arrijnë ta fitojnë trofeun e kësaj gare.
“Që nga viti i parë kur arrita te City, ata më thanë se duhet të fitosh Ligën e Kampionëve. Gjithmonë është mbi shpatullat tona, por unë nuk jam i shqetësuar për këtë. Nëse e meritoni atë në futboll, ju do të arrini. Nëse jo, nuk e bëni”, ka thënë fillimisht Guardiola pas ndeshjes.
“Unë nuk jam duke menduar për të shkuar në gjysmëfinale. Jam duke menduar për të bërë një lojë të mirë të parë dhe një lojë të mirë të dytë në çerekfinale”.
City are now on the second longest run in Champions League history without conceding a goal – overtaking Juventus tonight – 11hrs and 31 mins ❌💪
🔷 #ManCity | https://t.co/axa0klD5re pic.twitter.com/sDjnzOqAPH
— Manchester City (@ManCity) March 16, 2021
“Kur jeni duke menduar për atë që do të fitoni, ju harroni atë që duhet të bëni – analizoni kundërshtarin, formën tonë, mënyrën se si duam të luajmë, parimet tona dhe duke u përpjekur të bëni një lojë të mirë. Kjo është gjithçka që unë jam i shqetësuar”.
“Por, unë jam më shumë se i impresionuar dhe i kënaqur për lojtarët tanë në këtë vit të vështirë për të gjithë në shoqëri, duke qenë 14 pikë epërsi në Ligën Premier, në finalen e Carabao Cup, çerekfinalen e Ligës së Kampionëve dhe do të luajmë për të shkuar në gjysmëfinale të FA Cup”.
“Është më shumë sesa të fitosh një ndeshje çerekfinale ose një ndeshje në raundit të 16-të. Kjo do të thotë që në nëntë ose 10 muaj çdo tre ditë të jesh atje dhe ky është titulli më i mirë që mund të marrësh”.
“Sigurisht për prestigjin për të gjithë ne, sepse jemi këtu për të fituar si të gjitha klubet e tjera, duhet ta provojmë në fund për të ngritur disa tituj”, përfundoi trajneri i Cityt. /Telegrafi/