Sa herë që presidenti amerikan udhëton me aeroplanin “Air Force One”, atë pas e ndjek një aeroplan tjetër i njohur ndryshe si “aeroplani apokaliptik”.
Fotografi të papara brenda këtij aeroplani janë publikuar në internet, ndërsa vetëm katër aeroplanë E-4B të këtij lloji ekzistojnë, dhe fluturojnë sa herë që presidenti amerikan udhëton nëpër botë me aeroplanin presidencial, transmeton Telegrafi.
Ky aeroplan funksionin si “mburoja e Pentagonit” në rast të ndonjë sulmi nuklear apo terrorist, ose nëse dikush i shpall luftë Shteteve të Bashkuara.
Që të katër aeroplanët janë modifikuar edhe pse kanë karrocerinë e Boeing 747, ndërsa brenda ka të instaluar pajisjet më moderne, mjete komunikimi.
Ky aeroplan zyrtarisht është “pagëzuar” me emrin “National Airborne Operations Center, ndërsa në ajër ngritët sa herë që presidenti Trump udhëton.
Këta aeroplanë shërbejnë si qendra komanduese për presidentin, Sekretarin e Mbrojtjes dhe gjeneralin e forcave ajrore, në rast të ndonjë sulmi bërthamor.
Ky aeroplan përdoret nga ushtria amerikane që nga vitet e 70-ta gjatë Luftës së Ftohtë, dhe shërben si bazë për mbajtjen e kontakteve me presidentin kudo që gjendet nëpër botë.
Ata janë të projektuar t’ju rezistojnë sulmeve elektromagnetike që shkaktohen nga shpërthimet bërthamore, dhe posedojnë pajisje që janë sekrete për qytetarët por që shërbejnë për të mbrojtur presidentit në rast të ndonjë sulmi.
Brenda tij gjithashtu janë të instaluara antenat speciale që i mundësojnë presidentit të mbaj kontakt me nëndetëset bërthamore që janë të gatshme për sulm. /Telegrafi/
