Është filmuar momenti kur një pensionist derisa mundohet të çarmatos një burrë që deshi t’ia vjedh veturën, qëllohet me revole në bark.
72-vjeçarit i kishin bërë pritë rrugës për në Welkom të Afrikës së Jugut, ku një burrë i armatosur iu shfaq para syve dhe i drejtoi revolen duke e urdhëruar të dalë nga vetura, transmeton Telegrafi.
Kamerat e sigurisë kanë filmuar momentin kur personi i armatosur e urdhëron që të dalë nga vetura, dhe derisa po bisedonin në një moment i moshuari tenton t’ia merr revolen, megjithatë ky moment i kushtoi shtrenjtë.
Policia në Afrikën e Jugut ka njoftuar se viktima është dërguar me urgjencë në spital për tretman, dhe aktualisht gjendja e tij shëndetësore është e qëndrueshme. /Telegrafi/
