Kryetari Steovo Pendarovski në konferencë për shtyp njoftoi se të hënë do të mbahet Këshilli për Siguri ku do të shqyrtohet gjendja e coronavirusit, kur krahas anëtarëve të zakonshëm të këtij këshilli do të marrin pjesë edhe gjenerali i ARM-së dhe ministri i Shëndetësisë.
“Në takim do të bisedohet për situatën me coronavirusim si dhe për të gjitha masat që po i kemi në dispozicion në rast të eskalimit të situatës”, tha Pendarovski.
Pendarovski tha se partitë politike duhet të mendojnë seriozisht ndikimin e procesit zgjedhor në shëndetin e qytetarëve.
“Nuk do të jetë asgjë e frikshme nëse zgjedhjet duhet të anulohen çdo muaj”, tha Pendarovski duke shtuar se s’ka të drejtë të cek hapat në këtë mendim, por se mendimi tij është se duhet të shqyrtohet ky opsion dhe se nëse merret vendim duhet të jetë konsensus mes partive politike.
Pendarovski tha se në opsion është shpallja e gjendjes së jashtëzakonshme.
“Për shkak se Kuvendi është i shpërndarë gjendje të jashtëzakonshme mund të shpall edhe presidenti”, tha kryetari Pendarovski i cili shtoi se shpallja e gjendjes së jashtëzakonshme për momentin nuk është opsion dhe se nuk zgjidhen përnjëherë problemet me shpalljen e gjendjes së jashtëzakonshme./Telegrafi/