Presidenti Stevo Pendarovski në emisionin 360 gradë në Alsat tha se mundësitë për t’i nisur bisedimet me BE-në në dhjetor janë minimale.
Pendarovski shprehu shqetësimin se vendi mund të hyjë në një rrugë pa kokë nëse Bullgaria nuk heq dorë nga bllokada gjatë presidencës gjermane me BE-në.
“Nga gjithë ajo që e kam si informacion që vjen edhe nga Brukseli, edhe nga misioni ynë dhe nga miqtë tanë, Bullgaria në këtë moment vepron sikur ka vendosur që me këmbëngulje të vendosë bllokadë në rrugën tonë drejt BE-së”, tha Pendarovski.
Ndryshe, sot Bullgaria vendosi të mos e miratojë kornizën negociuese për Maqedoninë e Veriut në Këshillin e Evropës.
