Koordinatori kombëtar për përgatitjen e Maqedonisë për anëtarësim në NATO, Stevo Pendarovski, thotë se Maqedonia bashkëkohore është e përbërë nga tre vendime historike dhe i katërti është se duhet të caktohet legjitimiteti i saj ndërkombëtar.
Ai thotë se me Prohor Pçinsi në vitin 1944 dhe me referendumin për pavarësi në vitin 1991, maqedonasit për herë të parë në histori formuan shtetin e tyre, përcjell Telegrafi Maqedoni.
“Me marrëveshjen e Ohrit në vitin 2001, u pranua se Maqedonia nuk është shtet vetëm i maqedonasve, ndërsa në referendumin e radhës për anëtarësim në NATO dhe BE, Maqedonia duhet definitivisht të pozicionohet si vend i civilizimit perëndimor”, tha Pendarovski për Deutsche Welle.
Ai thotë se në vitet e fundit retorika politike ka ndryshuar, por sipas tij, disa liderë politik refuzojnë në mënyrë konstatne të ballafaqohen me realitetin e brendshëm dhe kontekstin e jashtëm politik./Telegrafi/