Drejtuesja e Dhomës së Përfaqësuesve të Kongresit amerikan, Nancy Pelosi, i është drejtuar opinionit derisa po vazhdon numërimi i votave të zgjedhjeve presidenciale në SHBA.
Ajo konsideron se Donald Trump do të mendojë ndonjë “ide” sa është ende në pushtet, deri te inaugurimi i Joe Bidenit në janar të vitit të ardhshëm, transmeton Telegrafi.
“E kemi ditur se do të shpik diçka, përveç që po tenton të shemb kredibilitetin e zgjedhjeve amerikane. Është diçka për çka kemi kritikuar vendet e tjera, kurse tani po ndodh tek ne, sulm në zgjedhjet tona”, ka shtuar ajo.
Ajo është shprehur e bindur se Joe Biden dhe Kamala Harris do të hyjnë në Shtëpinë e Bardhë dhe thotë se është shumë e lumtur për këtë. /Telegrafi/
Speaker Pelosi blasts Trump for post-election "mischief". pic.twitter.com/S9Ci9ctJ3W
— Breaking911 (@Breaking911) November 6, 2020