Nesër mbrëma zhvillohen të gjitha ndeshjet e javës së 37-të të La Ligës dhe e gjithë vëmendja është e përqendruar te takimi Sevilla-Barcelona dhe Real Madrid – Atletic Bilbao.
Duket se Sevilla është kundërshtari i fundit i vështirë për Barcelonën në garën për titullin e kampionit të Spanjës dhe Manuel Pellegrini është i vetëdijshëm se titulli do të vendoset pikërisht nesër.
“Ne shqetësohemi vetëm për atë që ne duhet të bëjmë dhe kjo është të fitojmë ndaj Atletic Bilbao, diçka që nuk do të jetë e lehtë. Mediat dhe njerëzit shqetësohen edhe për atë se çfarë do të ndodhë në Sevilla. Ajo që është e qartë është se titulli në La Liga në masë të madhe do të vendoset nesër”, ka thënë Pellegrini. /Telegrafi/